Më 12.05.2026, në ambientet e Agjencisë Teknike-Operative (ATO), u realizua një vizitë nga Kryetari dhe anëtarët e Këshillit për Mbikëqyrje Qytetare.
Gjatë takimit fillestar të punës, i organizuar për prezantim dhe vendosjen e një kornize fillestare bashkëpunimi, drejtoresha e e Agjencisë Teknike-Operative dhe kryetari e anëtarët e Këshillit për Mbikëqyrje Qytetare afirmuan objektivin e përbashkët – forcimin e besimit të publikut përmes një mbikëqyrjeje qytetare të rregullt dhe efektive.
Drejtoresha e Agjencisë Teknike-Operative, Marija Janiçeska, theksoi se mbikëqyrja është komplementare me misionin strategjik të ATO-së dhe është në funksion të interesit publik dhe mbrojtjes së të drejtave të qytetarëve. Në këtë drejtim, OTA shprehu gatishmërinë e saj për qasje të plotë dhe për ndarjen e të gjitha përvojave praktike me Këshillin, me qëllim që të kontribuojë në ndërtimin e një sistemi funksional të kontrolleve dhe balancave.
Përfaqësuesit e pranishëm të Këshillit për Mbikëqyrje Qytetare prezantuan qëndrimet e tyre fillestare përmes aktiviteteve përgatitore në vijim, planeve për shkëmbimin e përvojave krahasuese, si dhe takimeve të para me organet që i nënshtrohen mbikëqyrjes, duke filluar me këtë takim me ATO-në.
Të dyja palët mbeten të përkushtuara ndaj komunikimit të vazhdueshëm, me qëllim vendosjen e standardeve profesionale në procesin e mbikëqyrjes.